LEMBRAMOS A ROSALÍA

Hoxe 24 de febreiro de 2015, os nenos e nenas de 6º de primaria do Manuel Padín Truiteiro, lembramos á gran poetisa galega ROSALÍA DE CASTRO.

Ao chegar a aula fixemos unha lectura de poemas escollidos por nós, cada un leu o seu. Nun mural colectivo pegamos os retratos que lle fixemos a Rosalía, de seguido cantamos o poema " Adiós ríos, adiós fontes" lembrando así un dos poemas máis coñecidos por nós da autora.

Logo cada un de nós escolleu unha verba do poema que seleccionaramos para ler, e fixemos esta nube de verbas, que desexamos vós encante.

E por último recollemos as nosas actividades neste pequeno video :-)

ROSALÍA DE CASTRO

O martes 24 de febreiro imos lembrar na nosa aula á gran poetisa galega

 ROSALÍA DE CASTRO

Neste mes de febreiro imos coñecer o gran escritor portugués José Saramago el non escribía libros para nenos pero...

Le con atención:

"As historias para nenos deben escribirse con palabras moi sinxelas, porque os nenos, ao ser pequenos, saben poucas palabras e non as queren moi complicadas. Gustaríame saber escribir esas historias, pero nunca fun capaz de aprender, e iso dáme moita mágoa. Porque, ademais de saber elixir as verbas, é necesario ter a habilidade de contar dun xeito claro e sinxelo, e ter tamén unha paciencia moi grande. A min  fáltame polo menos a paciencia, polo que pido perdón."

"Este é o conto que eu quería contar, dáme moita magoa non saber narrar historias para nenos, pero polo menos xa coñecedes como sería a historia, e poderedes explicala doutro xeito con verbas máis sinxelas que as miñas, e tal vez máis adiante acabaredes sabendo escribir historias para nenos, Quen sabe se un día lerei de novo esta historia, escrita por ti que me les pero moito máis bonita ? "
                                                                                                                                               Saramago

Agora tócanos traballar a nós Saramago deunos toda a materia prima que precisamos e agora nós imos pórlle esas verbas sinxelas que el nos pide e imos escribir unha historia para nenos.

Quen era José Saramago ???

José de Sousa Saramago (Naceu en Azinhaga, Santarém, Portugal, 16 de novembro de 1922 e faleceu en Tías, Lanzarote, España, 18 de xuño de 2010) foi un escritor, novelista, poeta,  xornalista e dramaturgo portugués. En 1998 outorgáronlle o Premio Nobel de Literatura. 

Aínda que Saramago era bo alumno, non puido finalizar os seus estudos porque os seus pais non podían pagarlle a escola, polo que tivo que empezar a traballar moi xoven.

Desempeñou diferentes traballo: nunha ferrería mecánica, como administrativo, nunha compañía de seguros, como xornalista, como crítico literario, nunha editorial de traductor e a partir de 1969 deixa o traballo e vai vivir só da escritura.

Saramago escribíu ata o fin da súa vida. Escribíu novelas, relatos, biografías, poesía, teatro e unha guía turística "Viagem a Portugal"

.